ٹویٹر ﭨﺮﯾﻨﮉ ﮐﯿﺎ ﮨﮯ؟
ﮐﺎﺭﻭﺍﻥِ ﺍﻣﻦ ﻭﺍﻧﺼﺎﻑ (Companions Of Peace & Justice) ﮐﯽ ﺟﺎﻧﺐ ﺳﮯ ﭨﻮﯾﭩﺮ ﭨﺮﯾﻨﮉ ﮐﯽ ﻣﻨﻈﻢ ﺷﺮﻭﻋﺎﺕ ﺍﻭﺭ ﺳﻮﺷﻞ ﻣﯿﮉﯾﺎ ﯾﻮﻧﭩﺲ ﺍﺏ ﺑﺮﮒ ﻭ ﺑﺎﺭ لارہے ﮨﯿﮟ، ﺷﺮﻭﻉ ﺷﺮﻭﻉ ﻣﯿﮟ ﭨﻮﯾﭩﺮ ﭨﺮﯾﻨﮉ ﮐﺎﻓﯽ ﺩﮬﯿﻤﮯ ﺍﻭﺭ ﺻﺒﺮ ﺁﺯﻣﺎ ﺭﮨﮯ، ﻟﯿﮑﻦ ﺟﻮﺍﻧﺎﻥ ﺟﮍﮮ ﺭﮨﮯ، ﺣﻮﺻﻠﮧ ﻗﺎﺋﻢ ﺭﮐﮭﺎ، ﺭﻓﺘﮧ ﺭﻓﺘﮧ ﻣﻘﺒﻮﻟﯿﺖ ﮐﯽ ﺷﺮﺡ ﺑﮍﮬﺘﯽ ﺭﮨﯽ، ﺍﻭﺭ بالآخر ۱۹ ﺟﻨﻮﺭﯼ ﮐﮯ ﭨﺮﯾﻨﮉ GoRacistGo# ﻧﮯ ﺗﺎﺭﯾﺦ ﺭﻗﻢ ﮐﯽ ﺍﻭﺭ ﺍﺱ ﻧﮯ ﻣﻠﮑﯽ ﺳﻄﺢ ﭘﺮ ﻣﻤﺘﺎﺯ ﻣﻘﺎﻡ ﭘﺎﯾﺎ۔
ﻟﻮﮒ ﺑﺎر بار ﭘﻮﭼﮭﺘﮯ ﮨﯿﮟ ﮐﮧ ﭨﺮﯾﻨﮉ چلانے ﺳﮯ ﮐﯿﺎ ﻓﺎﺋﺪﮦ ﮨﻮﺗﺎ ﮨﮯ؟
ﺍﺱ ﺳﻮﺍﻝ ﭘﺮ ﻋﺮﺽ ﮨﮯ ﮐﮧ ﭨﺮﯾﻨﮉ چلانے ﺳﮯ ﺍﯾﮏ ﺧﺎﺹ ﺳﻮﭺ ﮐﺎ ﭼﻠﻦ ﻋﺎﻡ ﮨﻮﺗﺎ ﮨﮯ، ﺻﺮﻑ ﺑﻨﺪﮦ ﮐﻮ ﻗﻮّﺕِ ﺍِﺭﺍﺩﯼ ﮐﯽ ﺿﺮﻭﺭﺕ ﭘﮍﺗﯽ ﮨﮯ، ﭨﺮﯾﻨﮉ ﮐﮯ ﺩﻭﺭﺍﻥ ﻟﻮﮒ ﻟﮑﮭﺘﮯ ﮨﯿﮟ ﯾﺎ ﭘﮍﮪ ﮐﺮ ﺭﯾﭩﻮﯾﭧ ﮐﺮﺗﮯ ﮨﯿﮟ، ﯾﻮﮞ ﺍﯾﮏ ﻣﻮﺿﻮﻉ ﭘﺮ ﻣﺨﺘﺼﺮ ﻣﻄﺎﻟﻌﮧ ﺍﻭﺭ ﭨﻮﯾﭧ ﮐﯽ ﺷﮑﻞ ﻣﯿﮟ ﺭﺩّﻋﻤﻞ ﺑﮭﯽ ﺳﺎﻣﻨﮯ ﺁﺗﺎ ﮨﮯ، ﭼﻨﺎﻧﭽﮧ ﯾﮧ ﻣﻄﺎﻟﻌﮧ ﺑﺮﺍﺋﮯ ﻣﻄﺎﻟﻌﮧ ﻧﮩﯿﮟ ﺭﮨﺘﺎ، ﺑﻠﮑﮧ ﻣﻄﺎﻟﻌﮧ ﭘﺮ ﺍﺱ ﮐﺎ ﻋﻤﻠﯽ ﺭﺩ ﻋﻤﻞ ﺑﮭﯽ ﻇﺎﮨﺮ ﮨﻮﺟﺎﺗﺎ ﮨﮯ، ﺍﺱ ﻃﺮﺡ ﻭﮦ ﺗﻦِ ﺗﻨﮩﺎ ﻧﮩﯿﮟ ﺭﮨﺘﺎ ﺑﻠﮑﮧ ﻗﻮﻡ ﮐﯽ ﺍﯾﮏ ﺟﻤﺎﻋﺖ ﮐﮯ ﺳﺎﺗﮫ ﻋﻤﻞ بالارکان ﮐﺎ ﻣﻈﺎﮨﺮﮦ ﮐﺮﺭﮨﺎ ﮨﻮﺗﺎ ﮨﮯ۔
ﺩﺭﺍﺻﻞ ﭨﺮﯾﻨﮉ ﮐﺴﯽ ﻣﺸﮩﻮﺭ ﺍﻭﺭ ﭼﻠﺘﮯ ﮨﻮﺋﮯ ﻓﯿﺸﻦ ﮐﮯ ﻟﺌﮯ بولا ﺟﺎﺗﺎ ﺭﮨﺎ ﮨﮯ، ﺍﻭﺭ ﺍﯾﺴﮯ ﻓﯿﺸﻦ ﮐﺎ ﺗﻌﻠﻖ ﺩﻝ ﮐﮯ ﻗﺒﻮﻝ ﮐﺮﻧﮯ ﺳﮯ ﮨﻮﺗﺎ ﮨﮯ، ﺍﺳﯽ ﻃﺮﺡ ﭨﻮﯾﭩﺮ ﭨﺮﯾﻨﮉ ﭘﺮ ﭼﻞ ﭘﮍﻧﮯ ﻭﺍﻟﯽ ﺳﻮﭺ ﮐﺎ ﺗﻌﻠﻖ ﺑﮭﯽ ﻟﻮﮔﻮﮞ ﮐﮯ ﺍﺣﺴﺎﺳﺎﺕ ﺳﮯ ﮨﻮﺗﺎ ﮨﮯ، ﺍﺳﻠﺌﮯ ﺍﺱ ﮐﻮ ﭨﻮﯾﭩﺮ ﭨﺮﯾﻨﮉ بولا ﺟﺎﺗﺎ ﮨﮯ۔
ﻣﺎﺭﮐﯿﭧ ﭼﻮﻧﮑﮧ ﮈﯾﻤﺎﻧﮉ ﺍﯾﻨﮉ سپلائی ﮐﮯ ﺍﻗﺘﺼﺎﺩﯼ ﺍﺻﻮﻝ ﭘﺮ ﻗﺎﺋﻢ ﮨﮯ، ﺍﻭﺭ ﺑﺎﺯﺍﺭ ﮐﮯ ﮈﯾﻤﺎﻧﮉ ﮐﮯ ﻣﻄﺎﺑﻖ ﮐﻤﭙﻨﯿﻮﮞ ﮐﻮ ﻣﺎﻝ سپلائی ﮐﺮﻧﺎ ﭘﮍﺗﺎ ﮨﮯ، ﻭﺭﻧﮧ ﯾﮧ ﮐﻤﭙﻨﯿﺎﮞ ﺧﺴﺎﺭﮦ ﺍﭨﮭﺎﺋﯿﮟ ﮔﯽ، ﻟﻨﺪﻥ ﺍﻭﺭ ﭘﯿﺮﺱ ﮐﯽ ﻣﺸﮩﻮﺭ ﮐﻤﭙﻨﯿﻮﮞ ﻧﮯ ﺍﭘﻨﮯ ﺗﺠﺎﺭﺗﯽ ﻣﻨﺎﻓﻊ ﮐﮯ ﻟﺌﮯ ﺑﺎﻗﺎﻋﺪﮦ " ﺣﺠﺎﺏ " ﮐﮯ ﭨﺮﯾﻨﮉ ﮐﺎ ﺁﻏﺎﺯ ﮐﯿﺎ ﮨﻮﺍ ﮨﮯ، حالانکہ اسلامی ﻟﺒﺎﺱ ﮐﮯ ﺗﻌﻠﻖ ﺳﮯ ﺍﻥ ﮐﮯﻧﻈﺮﯾﺎﺕ ﺟﮓ ﻇﺎﮨﺮ ﮨﯿﮟ۔
ﺑﮩﺮ ﮐﯿﻒ، ﭨﻮﯾﭩﺮ ﭨﺮﯾﻨﮉ ﺑﮭﯽ ﮐﮭﻠﮯ ﮨﻮﺋﮯ ﻣﺎﺭﮐﯿﭧ ﮐﯽ ﻃﺮﺡ ﮨﮯ، ﺍﺱ ﻣﯿﮟ ﺟﺲ ﺑﮭﯽ ﻭِﭼﺎﺭ ﺩﮬﺎﺭﺍ ﺍﻭﺭ ﺍﺣﺘﺠﺎﺝ ﮐﺎ ﭼﻠﻦ چلایا ﺟﺎﺋﮯ ﮔﺎ، ﻭﮦ ﺑﻮﻝ ﻋﺎﻡ ﮨﻮﮔﺎ، ﻣﻮﻗﻒ ﭘﮍﮬﺎ ﺍﻭﺭ ﺳﻤﺠﮭﺎ ﺟﺎﺋﮯﮔﺎ، ﺟﺲ ﻗﺪﺭ ﻟﻮﮔﻮﮞ ﮐﯽ ﭨﺮﯾﻨﮉ ﻣﯿﮟ ﺷﻤﻮﻟﯿﺖ ﺑﮍﮬﮯﮔﯽ، ﺑﺮﺳﺮ ﺍﻗﺘﺪﺍﺭ ﻃﺒﻘﮧ ﮐﻮ ﺑﮭﯽ ﺍﺳﮯ ﻧﻈﺮ ﺍﻧﺪﺍﺯ ﮐﺮﻧﺎ ﺁﺳﺎﻥ ﻧﮩﯿﮟ ﮨﻮﺗﺎ ﮨﮯ، ﺑﺸﺮﻃﯿﮑﮧ ﺍﺱ ﻣﯿﮟ ﻋﻮﺍﻡ ﻭ ﺧﻮﺍﺹ ﮐﮯ ﺩﻝ ﺍﻭﺭ ﺍﺣﺴﺎﺳﺎﺕ ﮐﯽ ﺻﺤﯿﺢ ﺗﺮﺟﻤﺎﻧﯽ ﮨﻮ ﺭﮨﯽ ﮨﻮ۔
ﻣﺜﺎﻝ ﮐﮯ ﻃﻮﺭ ﭘﺮ ﻏﺎﺻﺐ ﺍﺳﺮﺍﺋﯿﻞ ﮐﮯ ﻇﺎﻟﻢ ﺣﮑﻤﺮﺍﮞ ﻧﺘﯿﻦ ﯾﺎﮨﻮ ﮐﺎ ﺑﮭﺎﺭﺕ ﮐﯽ ﺍﯾﮏ ﺧﺎﺹ ﺳﻮﭺ ﻧﮯ ﺍﺳﺘﻘﺒﺎﻝ ﮐﯿﺎ، ﺍﻭﺭ ﺍﺱ ﺯﻭﺭ ﺳﮯ ﮔﻠﮯ ﻟﮕﺎﯾﺎ ﮐﮧ ﭼﭙّﻞ ﭘﯿﭽﮭﮯ ﺭﮦ ﮔﺌﯽ، ﯾﺎﮨﻮ ﮐﺎ ﺑﮭﺎﺭﺕ ﻣﯿﮟ ﻃﻤﻄﺮﺍﻕ ﺳﮯ ﺁﻧﺎ، ﯾﻘﯿﻨًﺎ ﺧﺎﻣﻮﺵ ﺍﻧﺴﺎﻧﯿﺖ ﮐﮯ ﻣﻨﮧ ﭘﺮ ﺯﻧﺎّﭨﮯ ﺩﺍﺭ ﻃﻤﺎﻧﭽﮧ ﺗﮭﺎ، ﺍﯾﺴﮯ ﻭﻗﺖ ﻣﯿﮟ ﻋﺎﻡ ﺁﺩﻣﯽ ﺍﮔﺮ ﺧﺎﻣﻮﺵ ﺭﮨﮯ، ﺗﻮ ﺣﻖ ﮐﻤﺰﻭﺭ ﺍﻭﺭ ﻓﺴﻄﺎﺋﯿﺖ ﻣﻀﺒﻮﻁ ﮨﻮﺗﯽ ﮨﮯ، ﮐﯿﻮﻧﮑﮧ ﻓﺎﺷﺰﻡ ﮐﺎ ﺳﺎﺭﺍ ﺩﮬﻨﺪﮦ ﮨﯽ ﻋﻮﺍﻡ ﮐﻮ ﭼﭗ ﮐﺮ ﮐﮯ ﺳﯿﺎﺳﯽ ﺍﻭﺭ ﺗﺠﺎﺭﺗﯽ ﭘﺎﻟﯿﺴﺎﮞ ﺑﺪﻟﻨﮯ ﭘﺮ ﭨﮑﺎ ﮨﻮﺍ ﮨﮯ۔
ﺍﺱ ﻣﻮﻗﻊ ﭘﺮ ﮐﺎﺭﻭﺍﻥِ ﺍﻣﻦ ﻭ ﺍﻧﺼﺎﻑ ﻧﮯ ﭨﺮﯾﻨﮉ ﮐﮯ ﺫﺭﯾﻌﮧ ﺍﺣﺘﺠﺎﺝ ﮐﯽ ﭨﮭﺎﻥ ﻟﯽ، ﺍﻭﺭ ﺍﻧﺪﺭ ﺍﻭﺭ ﺑﺎﮨﺮ ﯾﮧ ﻋﻨﺪﯾﮧ ﺩﯾﻨﮯ ﮐﺎ ﻗﺼﺪ ﮐﯿﺎ ﮐﮧ ﺑﮭﺎﺭﺕ ﮐﺎ ﺿﻤﯿﺮ ﻧﺘﯿﻦ ﯾﺎﮨﻮ ﺍﻭﺭ ﺍﺳﺮﺍﺋﯿﻞ ﮐﮯ ﺍﺳﺘﻘﺒﺎﻝ ﻣﯿﮟ ﺷﺎﻣﻞ ﻧﮩﯿﮟ ﮨﮯ، ﺍﻭﺭ ﯾﮧ ﮐﮧ ﺑﮭﺎﺭﺕ ﺗﻤﮩﺎﺭﮮ ﻟﺌﮯ ﮐﯿﮏ ﻭﺍﮎ ﺑﮭﯽ ﻧﮩﯿﮟ ﮨﮯ، ﺧﯿﺮ ﮐﺎﺭﻭﺍﻥ ﮐﯽ ﺁﻭﺍﺯ ﭘﺮ ﻟﻮﮔﻮﮞ ﻧﮯ ﻟﺒﯿﮏ ﮐﮩﺎ، ﺍﻭﺭ ﭨﻮﯾﭩﺮ ﭨﺮﯾﻨﮉ چلانے ﻣﯿﮟ ﻣﻨﮩﻤﮏ ﮨﻮﮔﺌﮯ، ﺍﺱ ﭨﺮﯾﻨﮉ ﮐﺎ ﺍﺛﺮ ﺍﯾﺴﺎ ﺗﮕﮍﺍ والا ﺗﮭﺎ ﮐﮧ ﻓﺎﺷﺴﭧ ﺫﮨﻦ بوکھلا ﮔﺌﮯ، ﺍﻭﺭ ﺩﻭ ﺩﻭ ﭨﺮﯾﻨﮉ ﮐﺎﺭﻭﺍﻥ ﮐﮯ GoRacistGo# ﮐﺎ انکاوانک ﮐﺮﻧﮯ ﻣﯿﮟ ﺟﭧ ﮔﺌﮯ، ﻟﯿﮑﻦ ﺣﻖ ﮐﮯ ﻃﺮﻓﺪﺍﺭﻭﮞ ﮐﮯ ﻋﺰﺍﺋﻢ ﺍﻭﺭ ﺩﯾﻨﯽ ﺣﻤﯿّﺖ ﮐﮯ ﺁﮔﮯ ﺍﯾﮏ ﻧﮧ ﭼﻠﯽ، ﺑﺤﻤﺪللّہ ﺣﻖ ﮐﺎ ﺑﻮﻝ ﭼﻞ ﮔﯿﺎ ﺍﻭﺭ ﭨﺮﯾﻨﮉ ﻧﮯ ﺳﺮِﻓﮩﺮﺳﺖ ﺭﮦ ﮐﺮ ﺗﺎﺭﯾﺦ ﺭﻗﻢ ﮐﯽ، ﺍﺱ ﮐﺎﻣﯿﺎﺑﯽ ﮐﮯ ﻟﺌﮯ ﻗﻮﻡ ﮐﮯ ﻧﻮﺟﻮﺍﻧﺎﻥ ﺷﮑﺮﯾﮯ ﺍﻭﺭ ﻣﺒﺎرکبادی ﮐﮯ ﻣﺴﺘﺤﻖ ﮨﯿﮟ، ﺧﺪﺍ ﮐﺮﮮ ﻣﻄﺎﻟﻌﮧ ﺍﻭﺭ ﺯﻭﺭِﻗﻠﻢ ﺍﻭﺭ ﺯﯾﺎﺩﮦ ﮨﻮ۔
ﭨﻮﯾﭩﺮ ﭘﺮ ﺗﺤﺮﯾﮏ ﯾﺎ ﺍﺣﺘﺠﺎﺝ ﮐﺎ ﺣﺼﮧ ﺑﻨﻨﺎ ﻣﻌﻤﻮﻟﯽ ﺑﺎﺕ ﻧﮩﯿﮟ، ﯾﮧ جرءت رندانہ ﮐﺎ ﺣﻮﺻﻠﮧ ﺟﭩﺎﻧﮯ ﮐﯽ ﺑﺎﺕ ﮨﮯ، ﻭﺟﮧ ﯾﮧ ﮨﮯ ﮐﮧ ﭨﺮﯾﻨﮉ ﻭﺍﻟﮯ ﺍﻓﺮﺍﺩ ﮔﻤﻨﺎﻡ ﮨﻮ ﮐﺮ ﻧﮩﯿﮟ ﺑﻠﮑﮧ ﺍﭘﻨﯽ ﺫﺍﺗﯽ ﺷﻨﺎﺧﺖ ﮐﮯ ﺳﺎﺗﮫ ﭨﺮﯾﻨﮉ ﻣﯿﮟ ﺷﺮﮐﺖ ﮐﺮﺗﮯ ﮨﯿﮟ،ﯾﮧ ﺩﺍﻧﺴﺘﮧ ﻋﻤﻞ ﺍﯾﺴﺎ ﮐﺎﺭﯼ ﮨﻮﺗﺎ ﮨﮯ ﮐﮧ ﺷﯿﺎﻃﯿﻦ لال ﭘﯿﻠﮯ ﮨﻮﺟﺎﺗﮯ ﮨﯿﮟ، ﺍﻥ ﮐﮯ ﻏﺮﻭﺭ ﻭ ﭘﻨﺪﺍﺭ ﮐﮯ ﺍﻭﭘﺮ ﭼﻮﺏ ﭘﮍﺗﯽ ﮨﮯ، ﺍﻭﺭ ﯾﻘﯿﻨﺎً ﺣﻖ ﮐﯽ ﺣﻤﺎﯾﺖ ﮐﺎ ﻧﻮﺭ ﺍﻧﺪﮬﯿﺎﺭﯼ ﻓﻀﺎ ﻣﯿﮟ ﭘﮭﯿﻠﺘﺎ ﮨﮯ ﺍﻭﺭ ﺑﺎﻃﻞ ﮐﯽ ﮔﮭﭩﺎ ﭨﻮﭖ ﺳﯿﺎﮨﯽ ﻣﯿﮟ ﺳﭙﯿﺪﺍ ﭘﮭﻮﭨﻨﮯ ﻟﮕﺘﺎ ﮨﮯ۔
ﻣﻠﺤﻮﻅ ﺭﮨﮯ ﮐﮧ ﺑﺎﻃﻞ ﭘﺮ ﺁﭘﺴﯽ ﮐﮭﺴﺮ ﭘﮭﺴﺮ ﮐﺎ ﮐﻮﺋﯽ ﺍﺛﺮ ﻧﮩﯿﮟ ﭘﮍﺗﺎ ﮨﮯ، ﻧﺠﯽ ﻣﺤﻔﻠﻮﮞ ﮐﯽ ﻣﺬﻣﺖ ﺑﮭﯽ ﮐﭽﮫ ﻧﮩﯿﮟ ﮐﺮﺳﮑﺘﯽ، ﭼﻮﮨﺎ ﻣﯿﭩﻨﮓ ﺳﮯ ﺑﮭﯽ ﮐﭽﮫ ﮐﺎﻡ ﻧﮩﯿﮟ ﺑﻨﻨﮯ والا ﮨﮯ، ﮨﺎﮞ ﻣﮕﺮ،
ﺍﺏ ﮐﮭﻞ ﮐﮯ ﮐﮩﻮ ﺑﺎﺕ ﺗﻮ ﮐﭽﮫ ﺑﺎﺕ ﺑﻨﮯ ﮔﯽ
ﯾﮧ ﺩﻭﺭِ ﺍﺷﺎﺭﺍﺕ ﻭ ﮐﻨﺎﯾﺎﺕ ﻧﮩﯿﮟ ﮨﮯ
ﯾﮧ ﭘﯿﻤﺒﺮﺍﻧﮧ ﻃﺮﯾﻖ ﮨﮯ ﮐﮧ :
ﺑﺎﺕ ﻣﮑﻤﻞ ﺑﺼﯿﺮﺕ ﺍﻭﺭ ﺣﻮﺻﻠﮧ ﮐﮯ ﺳﺎﺗﮫ ﮐﯽ ﺟﺎﺋﮯ،
ﻋﻠﯽ ﺑَﺼﯿﺮۃٍ ﺍﻧﺎَ ﻭَﻣَﻦِ ﺍﺗّﺒَﻌَﻨِﯽ !
ﺍﺱ ﺿﻤﻦ ﻣﯿﮟ ﺍﻋﺠﺎﺯ ﺧﺎﻥ ﮐﮯ ﭨﻮﯾﭩﺮ ﮐﺎ ﺫﮐﺮ ﺿﺮﻭﺭﯼ ﮨﮯ ﺟﻨﮩﻮﮞ ﻧﮯ ﺑﺎﻟﯽ ﻭﻭﮈ ﮐﮯ ﺍﺩﺍﮐﺎﺭﻭﮞ ﮐﯽ ﺟﻢ ﮐﺮ ﺧﺒﺮ ﻟﯽ، ﺟﺲ ﮐﮯ ﺟﻮﺍﺏ ﻣﯿﮟ ﮨﺮ ﺳﻄﺢ ﮐﮯ ﻋﻮﺍﻡ ﻧﮯ ﺍﻥ ﮐﯽ ﺣﻤﺎﯾﺖ ﻣﯿﮟ ﭨﻮﯾﭩﺲ ﮐﺌﮯ۔
ﺍﻋﺠﺎﺯ ﺧﺎﻥ ﮐﯽ ﻃﺮﺡ ﻭﮦ ﺗﻤﺎﻡ ﻣﺴﻠﻢ ﺍﻭﺭ ﺩﻭﺳﺮﮮ ﺩﮬﺮﻡ ﮐﮯ ﺍﺣﺒﺎﺏ ﺳﺘﺎﺋﺶ ﮐﮯ ﻗﺎﺑﻞ ﮨﯿﮟ ﺟﻮ ﯾﺎﮨﻮ ﮐﯽ ﻣﺨﺎﻟﻔﺖ ﮐﺮﺗﮯ ﺭﮨﮯ، ﺍﻭﺭ ﺑﮭﺎﺭﺕ ﮐﮯ ﺩﺳﺘﻮﺭ ﮐﯽ ﺍﺳﺎﺱ ﭘﺮ ﺟﻤﮯ ﺭﮨﻨﮯ ﮐﺎ ﺍﻇﮩﺎﺭ ﮐﺮﺗﮯ ﺭﮨﮯ۔
ﺫﺭﺍ ﺳﻮﭼﯿﮟ ﮐﮧ ﺍﯾﮏ ﺍﯾﮏ ﻭﻭﭦ ﮐﮯ ﻟﺌﮯ ﺭﻧﮓ ﺑﺪﻟﻨﮯ ﻭﺍﻟﮯ ﺳﯿﺎﺳﯽ ﮔﺮﮔﭧ، ﻋﻮﺍﻡ ﮐﮯ ﺭﺟﺤﺎﻧﺎﺕ ﮐﻮ ﺁﺳﺎﻧﯽ ﺳﮯ جھٹلا ﺳﮑﺘﮯ ﮨﯿﮟ؟
ﺫﮨﻦ ﺳﺎﺯﯼ ﮐﮯ ﺳﺎﺗﮫ ﺳﺎﺗﮫ ﯾﮧ ﺑﮭﯽ ﭨﻮﯾﭩﺮ ﯾﺎ ﺳﻮﺷﻞ ﻣﯿﮉﯾﺎ ﮐﯽ ﻃﺎﻗﺖ ﮨﮯ، ﯾﮧ ﺑﻨﻈﺮِ ﻏﺎﺋﺮ ﺩﯾﮑﮭﻨﮯ ﮐﯽ ﭼﯿﺰ ﮨﮯ۔
ﺍﺱ ﺩﻭﺭﺍﻥ ﯾﮧ ﺧﻮﺵ ﺁﺋﻨﺪ ﺧﺒﺮ ﺁﺋﯽ ﮨﮯ ﮐﮧ ۲۱ ﺟﻨﻮﺭﯼ ﮐﻮ ﻣﺴﻠﻢ ﭘﺮﺳﻨﻞ لا ﺑﻮﺭﮈ ﻧﮯ ﺑﮭﯽ ﭨﻮﯾﭩﺮ ﮐﯽ ﺍﻓﺎﺩﯾﺖ ﮐﻮ ﺩﯾﮑﮭﺘﮯ ﮨﻮﺋﮯ ﺍﭘﻨﮯ ﺁﻓﯿﺸﻞ اکاؤنٹس ﮐﺎ ﺁﻏﺎﺯ ﮐﯿﺎ ﮨﮯ، ﯾﮧ ﺑﮩﺖ ﺍﭼﮭﺎ ﺍﻭﺭ ﺑﺮﻭﻗﺖ ﺍﻗﺪﺍﻡ ﮨﮯ، ﺍﺱ ﮐﮯ ﺫﺭﯾﻌﮧ ﻭﮦ ﺁﻭﺍﺯﯾﮟ ﻗﻮﻡ ﺗﮏ ﭘﮩﻨﭽﯿﮟ ﮔﯽ، ﺟﻦ ﮐﮯ ﻟﺌﮯ ﺑﻮﺭﮈ ﮐﻮ ﻭﺟﻮﺩ ﻣﯿﮟ لایا ﮔﯿﺎ ﮨﮯ، ﺍﺏ ﺍﻣﯿﺪ ﮨﮯ ﮐﮧ ﺩﺳﺘﻮﺭ ﻭ ﻣﻨﺸﻮﺭ ﺍﻭﺭ ﺑﻮﺭﮈ ﮐﯽ ﮐﺎﺭﮐﺮﺩﮔﯽ ﮨﻤﮧ ﻭﻗﺖ ﭨﻮﯾﭩﺮ اکاؤنٹ ﭘﺮ ﺩﯾﮑﮭﯽ ﺟﺎﺳﮑﮯ ﮔﯽ، ﺍﻣﯿﺪ ﮨﮯ ﮐﮧ ﺩﻭﺳﺮﯼ ﮐﻠﯿﺪﯼ ﺗﻨﻈﯿﻤﯿﮟ ﺑﮭﯽ اکاؤنٹ ﺷﺮﻭﻉ ﮐﺮ ﮐﮯ ﻋﻮﺍﻡ ﻣﯿﮟ ﻓﮑﺮﯼ ﻓﻌﺎﻟﯿﺖ ﮐﯽ ﺑﻨﯿﺎﺩ ﮈﺍﻟﯿﮟ ﮔﯽ، ﻗﻮﻡ ﻣﯿﮟ ﺍﯾﺴﮯ ﮐﺌﯽ ﭨﻮﯾﭩﺮ اکاؤنٹ ﺳﮯ ﺑﯿﺪﺍﺭﯼ ﺍﻭﺭ ﺣﻮﺻﻠﻮﮞ ﮐﯽ ﺷﺮﺡ ﻣﯿﮟ ﺍﺿﺎﻓﮧ ﮨﻮﺳﮑﺘﺎ ﮨﮯ۔
ﻣﻔﺘﯽ ﺍﻧﻮﺭ ﺧﺎﻥ ﺳﺮﮔﺮﻭﮦ : ﻣﻤﺒﺌﯽ
ﺭُﮐﻦ حلال کاؤنسل ﺁﻑ ﺍﻧﮉﯾﺎ
ﻧﺎﺋﺐ ﺻﺪﺭ : ﮐﺎﺭﻭﺍﻥِ ﺍﻣﻦ ﻭ ﺍﻧﺼﺎﻑ
کوئی تبصرے نہیں:
ایک تبصرہ شائع کریں